Елиф Елмас e играч на денот во италијанската Калчо-лига откако македонскиот ас го постигна победничкиот гол за Наполи на гостувањето против Милан.
„Дијамантот“ повторно блесна на италијанската фудбалска сцена, и тоа на најреномираниот фудбалски храм на Апенинскиот полуостров.
Елмас во разговор со репрезентативниот колега Стефан Ристовски се потсети на своето прво доаѓање во Милано, кога како дете пристигнал на покана на „Гранде Горан Пандев“.
„Памтам 2010… Бате Горан ме донесе… Прв пат со солзи го гледав… Сега играм тука…“, напиша Елмас.
Не само што игра, туку Елиф и постигнува „златни голови“ за својот тим, како што тоа го правеше и Горан Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
