Елиф Елмас со настапот на „Камп Ноу“ во дресот на Наполи уште еднаш го потврди својот раскошен потенцијал, издвојувајќи се во фокусот на италијанската јавност.
Македонскиот репрезентативец за Италијанците е интересен и поради престојниот бараж натпревар меѓу Македонија и Италија за пласман на СП 2022 во Катар, и покрај тоа што поради жолти картони нема да биде во можност да биде на располагање на селекторот Благоја Милевски.
„Јасно е дека пласманот на СП 2022 за нас би бил навистина огромен успех. Ако ја минеме и Италија во полуфиналето би било големо фудбалско нешто. Но, да бидам искрен тоа е само еден натпревар и никогаш ништо не се знае. Ако лично се прашуваме мислам дека шансите се 50-50. Не се предавеме однапред, секако верувам дека и Македонија има свои шанси и покрај тоа што Италија е огромен фаворит“ – вели Елмас.
Полуфиналето од баражот за пласман на СП 2022 меѓу Италија и Македонија се игра на 24. март во Палермо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
