Младиот фудбалски репрезентативец на Македонија, Елиф Елмас, игра феноменално во дресот со националните бои во квалификациите на Европското првенство. Тој досега во циклусот постигна четири гола и е најдобар стрелец на нашата репрезентација, но и еден од најдобрите воопшто на континентот. Кога се во прашање играчите од средниот ред само еден е подобар од него.
Се работи за Холанѓанецот Џорџино Виналдум кој досега во евроквалификациите постигна пет гола. По четири гола покрај Елмас имаат постигнато и Рос Баркли од Англија, Џон Мегин од Шкотска и Амер Гојак од Босна и Херцеговина.
Македонија во ноември ја очекуваат последните два натпревари од квалификацискиот циклус против Австрија на гости и Израел дома на кои Елмас ќе има шанса и да го подобри својот ефект.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА