Тенисерката број еден во светот, Ешли Барти освоените пари на турнирот во Бризбејн ќе ги донира во фондот за помош на настраданите во катастрофалните пожари во нејзината родна Австралија. Таа е прва носителка на турнирот во сингл, а ќе се натпреварува и во двојки со Холанѓанката Кики Бертенс. Наградниот фонд е околу 1,5 милиони австралиски долари или 763. 300 фунти.
„Мора да се погрижиме за ова што се случува во Австралија. Ова почна пред неколку месеци и предолго трае. Првпат видов колку е страшно кога се враќав од финалето на Фед купот од Перт на источниот брег на Австралија. Од авионот се гледаше огнот и чадот“ – вели Барти.
Од септември пожарите во Австралија убија 24 лица, уште многу се водат како исчезнати, уништени се 1200 домови, а се проценува дека огнената стихија однесе 480 милиони животни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
