РК Еурофарм Пелистер 2 на својот ФБ профил објави дека потпишал договори со двајца нови голмани за сезоната 2022/23. Станува збор за Мартин Јовановски и Василије Печурица кои и официјално се нови играчи на клубот од Битола.
28-годишниот Јовановски е производ на познатата битолска школа на голмани. Се враќа во матичниот клуб од германскиот Дансенберг, а претходно настапуваше за Струга, Охрид и алжирски Петролиер. Maртин Јовановски се обврза на договор на две години. 18-годишниот младински репрезентативец на Црна Гора, Василије Печурица во тимот на Еурофарм Пелистер 2 доаѓа од Струга, а претходно настапуваше и за Будуќност.
Печурица стави потпис на четиригодишен договор со битолскиот суперлигаш. Двајцата ракометари ќе пристигнат на подготовките за новата сезона на 20 јули, а потоа и официјално ќе бидат претставени пред медиуми.
Покрај овие две нови имиња, од следната сезона Еурофарм Пелистер 2 ќе биде посилен и за средниот бек Мартин Ивановски, кој доаѓа од Охрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
