РК Еурофарм ја известува јавноста дека го продолжи договорот со ракометарот Ненад Костески. Од битолскиот клуб истакна задоволство од соработката со ракометарот и во иднина, со верба за заеднички радости и успеси.
Костески дојде пред три години од ППД Загреб, и сега ја продолжи верноста со битолчани до 2025 година.
„Ова ми е трета сезона тука, задоволен сум и се гледа голем напредок во оваа екипа. Клубот од година во година расте и тоа беше главна причина што го продолжив договорот. Се надевам на големи успеси и враќање на титулите во Купот и во домашното првенство во Битола. Наскоро ќе ја дознаеме групата во Европската лига, сите ја очекуваме. Ќе биде тешко, но ние имаме тим и капацитет, па се надевам дека ќе ја минеме групната фаза и ќе продолжиме понатаму“, рече Костески.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
