Македонскиот ракометен вицешампион Еурофарм Пелистер со гостувањето кај српскиот Партизан ќе ја стартува новата сезона во регионалната СЕХА лига. По одличниот настап во првиот дел од сезоната во домашното првенство и Лигата на Европа, битолчани со голем оптимизам влегуваат и во регионалното натпреварување.
Ракометарот на „пелистерци“ Дејан Кукуловски пред мечот со Партизан вели дека иако не им е познат противникот тие целат на победа на секој меч.
„Партизан е непознат противник за нас. Сепак, наша цел е победа и добро се подготвуваме за овој натпревар. Добредојден ни е овој натпревар пред продолжувањето на Лига Европа. Можеме далеку да стигнеме оваа сезона во СЕХА лигата. Добро сме подготвени и против секој ривал играме на победа. Се надевам дека ќе стигнеме до добар резултат сезонава“, изјави Кукуловски.
Натпреварот меѓу Партизан и Еурофарм Пелистер е со почеток во 17.30 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
