Ракометарите на Еурофарм Работник од 17 часот во спортската сала „Боро Чурлевски“ против португалски Спортинг ги очекува историското деби во Лигата на шампионите.
Максимално позитивно е расположението во тимот, и покрај свесноста дека противникот ја носи отворената фаворитска улога. Но, во тимот на Стевче Алушовски веруваат дека може да се надигруваат со Португалците.
„Нашата желба секако е да го изненадиме Спортинг кој е фаворит пред оваа пресметка. Задоволство е што во тимот ќе го имаме Остроушко, кој ќе добие шанса на натпреварот иако е без натпреварувачки ритам“ – вели Алушовски пред денешната пресметка.
Веќе се познати и составите на двата тима. Како што најави Алушовски во составот на Еурофарм Работник е засилувањето Владислав Остроушко, но ќе ги нема голманот Градимир Чаневски и десниот бек Михаил Петровски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА