Англискиот премиерлигаш Евертон сака да се засили со фудбалерот за врска на Наполи, Бразилецот Алан. Менаџерот Карло Анчелоти одлично ги познава неговите квалитети од периодот додека работеше во Неапол и ќе се обиде да го доведе во Премиер – лигата.
Евертон е подготвен да плати 60 милиони евра за Алан, а трансферот најверојатно ќе биде реализиран во летниот преоден рок. Бразилецот е еден од оние фудбалери кои паднаа во немилост на претседателот Аурелио де Лаурентис и се бунтуваа поради принципите на работа во клубот.
Покрај за Алан, Анчелоти се интересира и за Емре Џан од Јувентус, за кого Евертон ќе понуди 30 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА