Европа ќе добие нов одбојкарски владетел откако селекцијата на Словенија ја елиминираше Русија во четвртфиналето на актуелното Европско првенство. Ко-домаќинот славеше со 3-1 во сетови и обезбеди полуфинален пласман каде што ќе се бори со актуелниот светски шампион Полска во „Стожице“.
Русија единствено успеа да го добие третот сет со 25-21 и да намали на 2-1 откако Словенците имаа 2-0 по добиените прв и втор сет со 25-23 и со 25-22. Во четвртиот сет Словенија беше подобра со 25-21 и комплетно им се одмазди на Русите за поразот од 3-0 во групната фаза. За Словенците ова е второ полуфинале на европските првенства.
Претходно Полска ја победи со 3-0 во сетови славеше над селекцијата на Германија. 25-19,25-21 и 25-18 по сетови славеа Полјаците за место во полуфиналето на патот кон обединување на светската и на европската титула.
Утре ќе биде формирана и втората полуфинална двојка откако ќе биде одиграта другата половина од четвртфиналните дуели во кои се среќаваат Франција и Италија и Србија и Украина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
