Искусниот колумбиски напаѓач, Радамел Фалкао би можел да го напушти Монако. 32-годишниот фудбалер од поодамна е револтиран од состојбите во клубот па, наводно, цврсто е решен за заминување.
Понуда за Фалкао е пристигната од Турција од истанбулскиот гигант Галатасарај кој го посакува во своите редови.
Според тврдењата на француските медиуми веќе во тек се и преговорите меѓу двата тима, па трансферот би можел да се случи во јануарскиот преоден рок.
Колумбиецот сезонава во шампионатот во 16 натпревари запиша седум гола и две асистенции, додека во пет натпревари од Лигата на шампионите остана без учинок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА