Партизан вечерва против Панатинаикос го игра последниот домашен меч во регуларниот дел од сезоната во Евролигата, на кој повторно „црно-белите“ ја пробија границата од 20.000 навивачи на трибините во белградска Арена.
Поточно, вечерва во салата има 20.017 навивачи, а уште поимпресивно делува вкупната статистика, која вели дека домаќните натпревари на Партизан сезонава во Евролигата ги следеле вкупно 302.302 фанови на трибините.
Ова е апсолутен рекорд во историјата на елитното европско кошаркарско натпреварување, со просечна посета од 17.782 навивачи по натпревар.
Партизан е и сопственик на рекордот за најпосетен натпревар во историјата на Евролигата, од сезоната 2008/09 кога домашен меч на „црно-белите“ беше следен од 22.567 навивачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА