Баер Леверкузен го осигура првиот билет за финалето од Купот на Германија откако вечерва рутински славеше на гостувањето против Сарбрикен со 0-3. Нисколигашот приреди неколку изненадувања во ова натпреварување, но немаше сили за ново чудо, „фармацевтите“ од почеток до крај го контролираа темпото на мечот и заслужено стигнаа до победата.
Гостите од Леверкузен настапија без повредените Хаверц и Бејли, но и во отсуство на овие двајца одлични офанзивци рутински го осигураа триумфот. Победникот беше решен во првите дваесетина минути, кога Диаби и Аларио донесоа предност од 0-2. Конечните 0-3 во второто полувреме ги постави „резервистот“ Белараби.
Во второто полуфинале утре силите ќе ги одмерат Баерн Минхен и Ајнтрахт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА