Баер Леверкузен и во второто коло од Бундес-лигата стигна до рутинска победа, овојпат од 1-3 на гостувањето против Фортуна Дизелдорф. „Фармацевтите“ максимално мотивирано влегоа во мечот, па дилемите околу победникот ги решија уште во првото полувреме, поведувајќи со 0-3 преку Бејкер (автогол), Арангуиз и Белараби.
Најинтересно беше на дуелот меѓу Хофенхајм и Вердер, на кој домаќините славеа со 3-2 иако гостите од Бремен имаа водство од 0-1 по првите 45 минути игра. Хофенхајм набрзина поведе со 2-1, пото следеше црвен картон за Вердер, но и израмнувачки погодок на Осако, пред Кадебакер во 87. минута да им донесе огромна радост на домашните фанови.
Резултати Германија:
Падерборн – Фрајбург 1-3, Фортуна – Баер Л. 1-3, Аугсбург – У. Берлин 1-1, Хофенхајм – Вердер 3-2, Мајнц – Борусија М. 1-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
