Воска спорт, како што информираше, го промовира и последното свое засилување за јануарскиот преоден рок, офанзивецот од редовите на Гостивар, Фатјон Јусуфи.
28-годишниот Јусуфи минатата година дојде до шампионската титула со Струга ТЛ, за да есенскиот дел од сезоната 2023/24 го мине во Гостивар од каде сега се сели во Воска спорт.
„Неговото искуство во домашната лига, каде има полни 200 натпревари, се очекува да ја засили конкуренција во нашиот тим, кој речиси го формираше костурот на тимот за пролетниот дел, иако до крајот на пазарот не е исклучено и дополнително име“ – соопштија од Воска Спорт.
Јусуфи во својата кариера има настапи и за Ренова и Шкупи, како и за Партизан Тирана во Албанија и ерменскиот прволигаш Ширак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
