Швајцарскиот тенисер Роџер Федерер имаше интересна изјава за време на овогодинешниот Лејвер куп во Ванкувер.
Во еден момент на видео бимот се појави неговиот голем ривал и пријател Рафаел Надал.
„Кој ти беше омилен партнер во двојки“, праша Надал и му намигна на Швајцарецот.
Федерер возврати, а потоа се пошегува и го избра него наместо сопствената сопруга.
„Мислев дека тоа е мојата сопруга, додека не се појави овој човек. Нека биде Рафа. Минатата година беше екстра посебна”, одговори Федерер.
Двајцата играа двојки за прв пат во 2017 година кога го претставуваа Тим Европа на Лејвер купот во Прага и победија против Сем Квери и Џек Сок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
