Роџер Федерер и Рафаел Надал може да се сретнат во полуфиналето на Вимблдон, одлучи денешната ждрепка. Во второто коло Надал може да се сретне со лошото момче од Австралија, Ник Кирјос.
Првиот рекет на светот, Србинот Новак Ѓоковиќ ќе има тежок противник на самиот старт бидејќи ќе се сретне со Германецот Филип Колшрајбер, од кого беше поразен во Мајами сезонава, а од истиот противник има губено и на Ролан Гарос. Во истиот дел од жребот со Ѓоковиќ се наоѓаат и Стефанос Циципас од Грција, минатогодишниот финалист Кевин Андерсон и Германецот Александер Зверев.
Кај дамите во четвртфиналето е можен меч меѓу првата носителка и шампионка од Ролан Гарос, Ешли Барти и минатогодишната шампионка на Вимблдон Анжелик Кербер, но Германката прво ќе мора да ги совлада Марија Шарапова и Серена Вилијамс. Освојувачката на трофеите на Ју Ес опен и Австралија Опен, Наоми Осака од Јапонија во четвртфиналето може да се сретне со поранешниот број еден Симона Халеп од Романија.
Проектирано четвртфинале (мажи):
Ѓоковиќ – Циципас
Андерсон – Зверев
Тим – Надал
Нишикори – Федерер
Проектирано четвртфинале (жени):
Барти – Кербер
Бертенс – Квитова
Свитолина – Плишкова
Халеп – Осака
.@DjokerNole vs. @Kohlscribbler!
Das Auftaktmatch des Titelverteidigers am 1. Juli ab 13.30 Uhr frei empfangbar auf Sky Sport News HD. #skytennis #Wimbledon pic.twitter.com/b3uKWP6gpK
— Sky Sport (@SkySportDE) June 28, 2019
One of the toughest Slam quarters I can recall. #Wimbledon pic.twitter.com/hJEyEtLuLR
— Ben Rothenberg (@BenRothenberg) June 28, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
