Еден од најдобрите тенисери на сите времиња Роџер Федерер поради повреда на ногата го откажа настапот во четвртфиналето на Мастерсот во Рим против Циципас. Швајцарецот по 2016 година повторно се појави на турнирот во „вечниот град“. Првиот настап по враќањето во Рим тој требаше да го има во средата, но поради дождот, вчера играше два натпревари. Тој во ист ден ги совлада Португалецот Жоао Соуза и Хрватот Борна Чориќ.
Поради откажувањето на Федерер, грчкиот тенисер Стефанос Циципас се пласираше во полуфиналето каде што го чека подобриот од мечот меѓу Рафаел Надал и Фернандо Вердаско.
Unfortunately Roger Federer is withdrawing from his Rome quarter-final today with a right leg injury.
Tsitsipas advances to the semi-finals.
— Tennis TV (@TennisTV) May 17, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
