Фени индустри полека, но сигурно се екипира за наредната сезона, потпишувајќи договори со тројца кошаркари кои и лани ги бранеа боите на кавадаречкиот клуб.
Предраг Пајиќ и во следната сезона ќе ги брани боите на Фени откако вечерва го стави својот потпис на новиот едногодишен договор, а заедно со него во Кавадарци и Никола Кицев и Милан Милков, млади и перспективни играчи кои сезонава би требало да имаат уште поголема минутажа кај тренерот Малинков.
За потсетување, кавадарчани претходно го договорија и останувањето на капитенот Јане Петровски, а потпишани се и договори со двајца Американци, Лук Мејер и Доминик Елиот.
Се очекува во следниот период Фени да потпише уште неколку домашни кошаркари, а прв на листата е Горјан Марковски, со кого преговорите влегуваат во завршна фаза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
