Макс Ферстапен и Луис Хамилтон водат голема борба за титулата во Формула 1 шампионатот. На пет трки до крајот, Холанѓанецот има 12 бодови предност во однос на Британецот.
Возачот на Ред Бул говореше за својот однос со Луис Хамилтон, откако годинава неколку пати и тоа како беше нарушен не само на патеката, туку и надвор од неа.
„Двајцата сме вистински натпреварувачи. Факт е дека никогаш нема да отидам на вечера со Луис, но тоа е во ред. На патеката секогаш сакаме да победиме, но надвор од неа мислам дека има меѓусебно почитување“, изјави Ферстапен.
Следната трка во Формула 1 шампионатот ќе се вози во Мексико сити на 7. ноември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
