Фудбалската федерација на Македонија (ФФМ) ги објави номинациите за изборот за најдобрите во годината што изминува. Вообичаено, се избира најдобар фудбалер од Првата фудбалска лига, како и фудбалер што најдобро ја претставувал државата во странство.
За најдобар фудбалер во Првата фудбалска лига се номинирани Бесарт Ибраими и Висар Муслиу од актуелниот првак Шкендиј, како и Љупчо Дориев од Академија Пандев.
Млад фудбалер на годината ќе се избира меѓу Енис Фазлагиќ од Шкендија, кој сега е веќе интернационалец во Словачка, и Арбин Зејнулаи, како и Бојан Колевски од Вардар.
Меѓу номинираните за фудбалерка на годината се наоѓаат Ленче Андреевска и Афродита Салихи од ЖФК Драгон и Александра Ристовска од ЖФК Тиверија.
За најдобар тренер во женски фудбал се номинирани Илија Мандаров (Драгон), Славе Велков (Тиверија Струмица) и Кирил Изов (Истатов), а за најдобар тренер во футсал конкурираат Марјан Стефановски (Велес), Гафур Асани (Јувентус Серава) или Зоран Лекиќ (Шкупи).
За најдобар тренер во младинскиот фудбал се предложени Беким Османи (Шкендија), Берат Имери (Шкендија) и Александар Стојанов (Академија Пандев), додека за најдобар футсал играч во изборот ќе се борат Иљбер Алили (Шкупи), Дарко Ранготов (Велес) и Горан Арсовски (Кратово).
За најдобрите во македонскиот фудбал ќе може да се гласа на интернет страницата на ФФМ (www.ffm.mk), а гласањето ќе биде отворено до 11 декември. Гала – манифестацијата е планирано да се одржи на 21.декември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
