ФИФА воведе уште една новина инспирирана од американската спортска традиција која ќе ја префрли на Мундијалите. Победникот на Светското првенство 2026, покрај пехарите и златните медали, за прв пат ќе добие и шампионски прстени.
Како што е објавено на официјалната веб-страница на ФИФА, на победничкиот тим по финалето меѓу Шпанија и Аргентина ќе му бидат врачени специјално изработени прстени.
Тоа претставува преседан во историјата на натпреварувањето на ФИФА и дополнително го доближува најважниот фудбалски турнир до обичаите што се карактеристични за професионалните лиги во САД со децении.
Прстенот ќе биде изработен во ограничена серија од вкупно 2.026 нумерирани примероци, како симбол на годината на првенството.
Триесет примероци се наменети за членовите на шампионскиот тим, додека преостанатите 1.996 ќе им бидат понудени на навивачите како официјално лиценциран сувенир.
На едната страна од прстенот ќе биде прикажан трофејот од Светското првенство, додека другата страна ќе биде прилагодена на визуелниот идентитет на победничкиот тим.
🚨 BREAKING: The winners of the FIFA World Cup Final will be presented with Championship Rings! 🏆💍 pic.twitter.com/O0MdELVhIP
— World Cup 2026 (@ofootball__) July 17, 2026
Секоја копија ќе има уникатен сериски број, ќе биде изработена по нарачка и доставена со сертификат за автентичност.
Финалето на Светското првенство ќе се игра во недела, 19 јули, на стадионот „Метлајф“ во Њу Џерси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
