Филип Ивановски ја засили Беласица

Новиот прволигаш Беласица не се шегува. Во последниот ден од летниот преоден рок значително ги засили своите редови. По Штефан Вујчиќ, ново засилување на струмичкиот тим е и искусниот напаѓач Филип Ивановски.

Робусниот голгетер доаѓа од финскиот тим Ропс каде што настапуваше минатата сезона и сигурно ќе биде огромно засилување во нападот на Беласица. Ивановски зад себе има завидна интернационална кариера и осум настапи во дресот на македонската фудбалска репрезентација. Тој на домашната сцена беше дел од Вардар, Работнички и Македонија ЃП, a на печалба беше во Финска, Србија, Казахстан, Полска и на Кипар. 

Се вчитува...