Рома си ја искомпликува судбината во битката за место во ЛШ откако „волчицата“ вечерва загуби три значајни бода со поразот на домашен терен од Фиорентина со 0-2.
Избраниците на Де Франческо потфрлија во првото полувреме, кога беа далеку под посакуваното ниво, а Фиорентина го искористи тоа и со головите на Бенаси и на Симеоне стигна до предност. Римјаните во вториот дел тргнаа во целосна офанзива, Шик влезе во игра веќе во 46. минута, но и покрај доминацијата и двете погодени греди домашните фудбалери не успеаја да постигнат погодок, оставајќи му можност на Лацио со триумф на утрешниот меч да ги стигне на табелата.
За Фиорентина ова е шеста победа во низа, со што сега „виолетовите“ имаат 50 бода, еден помалку од Милан во битката за место што води во Лигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
