Тренерот на Барселона, Ханси Флик, во понеделникот разговараше со медиумите по завршувањето на подготовките на тимот во Англија. Германскиот стратег го оцени престојот во тренинг-кампот „Сент Џорџс Парк“, но зборуваше и за состојбата во екипата и плановите на клубот пред новата сезона 2026/27.
Една од главните теми беше потенцијалното ангажирање на нов напаѓач. Флик призна дека ситуацијата не е едноставна и дека одлуката ќе зависи од повеќе фактори.
„Имам голема доверба во Деко и свесни сме дека мора да реагираме, но сè зависи и од Феран. Ќе видиме што ќе се случи“, изјави Флик.
Германскиот тренер откри дека Барселона има и алтернативни решенија доколку не се реализира трансфер на класичен напаѓач. Една од опциите е игра со „лажна деветка“, улога која би можел да ја преземе Ламин Јамал.
„Ламин е играч од светска класа и може да игра на таа позиција. И Гордон и Адејеми можат да ја покријат таа улога, покрај нивните природни позиции на крилата“, додаде Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
