Немирите во Барселона не стивнуваат. Шпанските медиуми со денови пишуваат за наводниот конфликт во врвот на каталонскиот клуб, според кој претседателот Жоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ – иако младиот талент, според изворите, доцнел на задолжителниот состанок на тимот пред дуелот.
Сепак, германскиот стручњак категорично ги негираше тие шпекулации на прес-конференцијата пред натпреварот со Џирона.
„Би сакал да знам од каде доаѓаат овие глупости. Престанете да лажете. Никој во клубот никогаш не ми наредил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
