Селекторот на Австрија, Франко Фода, ги предупреди своите фудбалери дека не смеат да си дозволат опуштање на претстојниот квалификациски дуел со Македонија. На домаќините в сабота им е доволен и бод за да се пласираат на ЕВРО 2020, но Фода е дециден дека очекува максимално залагање од првата до последната минута.
„Имаме одлична стартна позиција во пресрет на овие последни две средби, фудбалерите се гладни за успех и за пласман на едно големо натпреварување. Сепак, јасно ни е дека се уште немаме остварено ништо и мораме да останеме максимално фокусирани кон претстојните натпревари. Се е во наши раце, подготвени сме за претстојните средби, а на играчите им ставив до знаење дека очекувам да играат со истата страст и посветеност како и на дуелот со Словенија“ – истакна Фода.
Мечот меѓу Австрија и Македонија се игра в сабота на стадионот „Ернст Хапел“ во Виена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
