Елиминацијата на Ник Кирјос не значеше и крај на испадите на тенисерите за време на Вимблдон, откако Фабио Фоњини денеска имаше уште поголем испад од проблематичниот Австралиец. Италијанскиот тенисер излезе на мегдан со Американецот Сандгрен, а по слабиот старт вината ја побара кај организаторите и нивната одлука мечот да се игра на теренот број 14, со почеток во 13.30 часот.
„Зарем е фер да се игра овде? Проклети Англичани. Сакам да ви експлодира бомба на Вимблдон. Овде, во овој ваш клуб“ – врескаше Фоњини.
Италијанецот не успеа да се смири, тоа сериозно влијаеше на неговата игра, па го загуби мечот со Сандгрен со максимални 0-3 во сетови (3-6, 6-7, 3-6).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
