По Остин и Мајами, Форума 1 ќе има уште една трка во САД, пренесуваат тамошните медиуми. Станува збор за Лас Вегас каде ќе се вози ноќна улична трка која ќе поминува низ „Вегас стип“, делот од јужниот булевар каде се наоѓаат хотелите и коцкарниците во градот.
Раководството на најбрзото натпреварување на светот се определило за оваа опција поради големиот број на пешачки мостови кои ќе донесат нов амбинет за навивачите кои од непосредна близина ќе можат да ја проследат трката.
Форума 1 која е под раководство на американски газди бележи се поголем интерес во Северна Америка по Нетфликс серијата „Drive to survive“ па јасна е и одлуката за воведување на трка во Лас Вегас. Според информациите истата може да биде во етерот веќе во 2023 година и најверојатно ќе се одржи во месец ноември.
.@F1 is expected to select November as the month to hold its new Las Vegas night race that is close to being announced as starting next year, per sources. pic.twitter.com/0IxsmB4abZ
— Adam Stern (@A_S12) March 23, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
