Битолски Пелистер на најдобар можен начин ја почна пролетната сезона во Втората македонска фудбалска лига.
Пелистер убедливо со 3-0 славеше против Беласица уште во првото полувреме завршувајќи си ја својата задача, на крилјата на Симеон Христов кој запиша два гола на мечот во 35. и во 45. минута, како и на Бојан Спиркоски кој погоди во 39. минута.
„Зелените“ на тој начин максимално го искористија киксот на Детонит Плачковица на гостувањето против Вардар Неготино, и сега се пробија на втората позиција на табелата која води кон елитата.
Сето тоа на задоволство на своите навивачи кои го очекуваат Пелистер таму каде што му е местото…, но на задоволство и на легендите на клубот Тони Мицевски, Митко Стојковски, Ванчо Мицевски…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
