Бразилскиот репрезентативец, Габриел Мартинели, и официјално стана нов играч на саудискиот тим Ал-Хилал.
Мартинели потпиша четиригодишен договор со Ал-Хилал, а финансиските детали од договорот не се објавени, но англиските медиуми пишуваат за рекордна заработка на Арсенал.
Според медиумите, саудискиот тим платил 60 милиони фунти за трансферот, а оваа сума е рекордна за Топчиите кога станува збор за продажба на играчи.
Мартинели во Арсенал пристигна во 2019 година и за Топчиите одигра 278 натпревари на кои постигна 62 гола. За репрезентацијата на Бразил досега настапи на 27 меча и петпати се запиша во листата на стрелци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
