Зад ПСЖ е уште еден неуспех во француското првенство откако „светците“ загубија од Лион со 0-1 на „Паркот на Принцовите“ во 29. коло. Натпреварот го отслика и лоша игра на Лео Меси кој беше во центарот на вниманието и пред почетокот на истиот.
Аргентинскиот ас беше исвиркан на стартот на натпреварот, а сите негови соиграчи беа дочекани со аплауз од навивачите на ПСЖ. Причината е елиминацијата во осминафиналето од Лигата на Шампионите, но и фактот дека не го продолжи договорот со тимот.
🚨🚨| Leo Messi’s name was booed at the Parc des Princes when his name was announced in the starting 11 today. 🇦🇷🎥pic.twitter.com/Zz68VxwoCZ
— PSG Report (@PSG_Report) April 2, 2023
По натпреварот во негова одбрана застана тренерот Кристоф Галтие кој вели дека навистина не го разбира потегот на навивачите.
„Не ги разбирам критиките кон него. Чекаме тој или Килијан Мбапе да ја решат ситуацијата. Тој ја води нашата игра, од него многу зависи и има многу обиди за креација оттука доаѓаат и изгубените топки. Не смееме ние да се потпреме на нив двајца. Исвиркувањето по мене нема смисла бидејќи даде многу во првиот дел од сезоната, беше наш најдобар стрелец и асистент. И другите мораат да помогнат и да внесат опасност“, вели францускиот стратег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
