Манчестер јунајтед уште еднаш покажа дека се наоѓа во топ-форма на стартот од новата премиерлигашка сезона, откако и во рамките од второто коло тимот на Жозе Мурињо постигна четири погодоци. По домашниот дуел со Вест хем, „црвените ѓаволи“ блескаа и на денешното гостување против Свонси, триумфирајќи со идентични 0-4.
Тимот на Мурињо се мачеше се до финишот од првото полувреме, кога Баји се најде на вистинско место по ударот на Погба што заврши во гредата, па од самата гол-линија ја внесе топката во мрежата. Потоа Јунајтед целосно ја контролираше играта, за на ефикасност да добие по излегувањето на Рашфорд и влегувањето на Марсијал. Најпрвин Лукаку зголеми на 0-2, а потоа Погба погоди за 0-3, два гола на асистенции на Мхитаријан, Марсијал да ги постави конечните 0-4 на „Либерти“ стадионот.
По максималните шест бода и импресивната гол-разлика 8-0, „црвените ѓаволи“ во следното коло ќе го пречекаат Лестер.
Eric Bailly Goal – Swansea 0-1 Manchester… by whywhywhymemememememmeemme
Romelu Lukaku Goal HD – Swansea City 0-2… by taftadarka2016
Paul Pogba Goal HD – Swansea City 0-3… by taftadarka2016
Anthony Martial GOAL HD – Swansea 0-4… by 87taras
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
