Српскиот кошаркар Аљоша Митровиќ краток период од кариерата мина во дресот на Работнички, а во интервју за медиумите во татковината го издвои Тодор Гечевски, долгогодишниот македонски репрезентативец како најдобар соиграч со кого има настапувано. Според Митровиќ, кавадаречкиот центар имал квалитети за да настапува и во НБА-лигата, но не го достигнал потенцијалот бидејќи не тренирал премногу напорно.
„Во Работнички бев во 2015 година и можам да кажам дека во овој тим играа големи кошаркарски мајстори. Имав можност да играм со Тодор Гечевски, кој за мене е најголемиот мајстор на сите времиња. Ако тренираше напорно, тој сигурно ќе стигнеше и во НБА-лигата. Но, Гечевски сакаше да запали цигара или да си оди во Кавадарци на риболов, таму му беше најубаво“, вели Митровиќ.
Тој му даде интересен прекар и на вториот висок кошаркар од таа генерација на Работнички.
„Таму беше и Чековски, тој беше „исфрлувач“, и исто така многу квалитетен кошаркар“, истакнува поранешниот играч на „центарци“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
