Калига Гедбан верува дека го направил вистинскиот избор кога од неколкуте понуди на негова адреса ја прифати онаа на Вардар. Младиот Алжирец имаше неколку добри настапи во црвено-црниот дрес, јасно е дека најдоброто од него допрва следи, но Гедбан е оптимист дека со адаптацијата во новата средина уште повеќе ќе се крене и неговата форма на теренот.
„ За мене беше многу тешко да се промени државата и беше огромен предизвик да дојдам во Вардар. Морам да истакнам дека играчите и луѓето што работат во клубот ми помогнаа за брзото прилагодување. Она што ме импресионираше најмногу од се е атмосферата во салата на домашните натпревари од ЛШ. Според мене, вардаровите навивачи се број 1 во Европа, а со таква поддршка од трибините сигурно е и многу полесно да се победи“ – изјави Гедбан.
Вардар утре ќе го пречека тимот на Татран Прешов во последниот домашен натпревар за 2018 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
