Откако не успеаја да го договорат Андони Ираола, кој, како што стојат работите, ќе го преземе Ливерпул, во Милан се насочија кон други опции за тренерската позиција.
Сега Австриецот Оливер Гласнер, свежо крунисан во Конференциската лига со Кристал Палас, е мета на Милан. Човекот кој донесе три трофеи (ФА Куп и Комјунити Шилд, покрај Конференциската лига) во витрините на клубот од Лондон за само две години, едноставно е интересен за најголемите клубови во Европа.
Планот „А“ е назначувањето на Ралф Рагник на позицијата директор и човекот кој би се прашувал за сè во иднина во спортскиот дел – вклучително и за изборот на тренер. А врската меѓу Гласнер и Рагник е очигледна. Германецот, актуелен селектор на Австрија, верува дека Австриецот е вистинскиот човек за позицијата тренер на Милан по две врвни сезони во Палас.
Но, Гласнер не е единствената опција. Во моментов, тој е првиот „избор“ на администрацијата на Милан, за која, сепак, и Арне Слот е еден од изборите.
А Холанѓанецот, пишува добро информираната Газета дел Спорт, е на радарот на Милан по отказот во Ливерпул, на кого му ја донесе титулата во првата сезона во клубот, па благо речено, не се прослави во втората.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
