Менаџерот на Кристал Палас, Оливер Гласнер, го критикуваше раководството на англискиот клуб по нивниот пораз од 2-1 од Сандерленд , велејќи дека неговиот тим е „целосно напуштен“.
Австриецот Гласнер, кој го предводеше Палас до триумф во ФА Купот минатата сезона, во петокот објави дека ќе го напушти клубот на крајот од сезоната. Тој, исто така, потврди во пресрет на натпреварот со Сандерленд дека дефанзивецот Марк Гехи ќе биде продаден.
„Се чувствувам како да сме целосно напуштени. Не можам да обвинам ниту еден играч. Играчите направија сè што можеа и ова се случува со недели и месеци. Имаме 12-13 играчи на располагање и не чувствуваме никаква поддршка. Најлошото е да го продадеме нашиот капитен еден ден пред натпревар од Премиер лигата. Се подготвуваме, ова е нашата прва недела од тренинг од септември, а потоа го продаваме нашиот капитен еден ден пред натпреварот. Не го разбирам ова. Гледам на клупата и не можам да реагирам. Затоа сум навистина разочаран“, рече тој.
Гласнер по овие обвинувања, може да добие отказ уште пред крајот на сезоната, односно пред и официјално да го напушти клубот. Претходно откази поради критики кон раководството добија и Енцо Мареска од Челси и Рубен Аморим од Манчестер Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
