Поранешниот селектор на Англија, Глен Ходл, се соочува со сериозни здравствени проблеми откако утрово мораше да биде итно пренесен во болница. Ходл е дел од стручниот тим на аналитичари на телевизијата „БТ Спортс“ и денеска требаше да биде дел од тимот во пресрет на мечот меѓу Лестер и Вест хем.
Уште на самиот почеток од подготовките за програмата Ходл, кој денеска го слави својот 61. роденден, се пожалил на здравствени проблеми, за нешто подоцна да колабира среде студиото и да предизвика паника меѓу вработените. Со возило на брза помош тој бил експресно пренесен во најблиската клиника, но според првичните информации состојбата му е „многу сериозна“.
„На нашиот пријател и колега Глен Ходл утрово му се слоши во студиото и мораше да биде пренесен во болница. Поради тоа нема да ја одржиме денешната емисија, а програмата ќе почне со директно вклуување од натпреварот Лестер – Вест хем“ – соопштија од „БТ Спортс“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
