Новак Ѓоковиќ продолжува да испишува тениска историја, па без оглед на вчерашниот пораз во финалето на Вимблдон тој останува најтрофеен светски тенисер по бројот на гранслем-пехари во својата професионална кариера.
Интересно видео беше објавено вчера на социјалните мрежи, во кое српскиот новинар Александар Гајшек како гостин на шоуто на Иван Ивановиќ говореше и за почетоците на Ѓоковиќ, потсетувајќи се на разговорите што ги има водено со Јелена Генчиќ, прославената тренерка која е најзаслужна за височините што Новак ги достигна во својата кариера.
Меѓу другото, таа уште кога Ѓоковиќ имала пет години пред колеги тренери изјавувала дека гледаат иден гранслем шампион, а за Новак има коментирано дека поседува дар што не е од овој свет.
Дефинитивно, видео што треба да се погледне, кое многу кажува за фокусот и мотивираноста на Новак Ѓоковиќ, уште од најрано детство со јасна цел да успее во светот на тенисот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
