Роџер Федерер со 20 освоени гранслем-титули се уште најтрофеен тенисер на најсилните турнири во светот. Швајцарецот со години е бескрајно горд на ова остварување, но јасно е дека нема уште долго да биде осамен на врвот бидејќи Ѓоковиќ со пехарот од Ролан Гарос стигна до својата 19. гранслем титула.
Српскиот ас би можел веќе за еден месец, со триумф на Вимблдон да се израмни со швајцарскиот великан, па одеднаш на Федерер почна да му пречи што сите говорат само за овој негов рекорд, што наскоро ќе биде симнат.
„Ми се чини дека денеска во тенисот најважно прашање е бројот на гранслем трофеи. Тоа не ми се допаѓа, бидејќи ние низ целата година играме и на АТП-турнири, кои исто така заслужуваат внимание. Некогаш и јас сонував да го урнам рекордот на Пит Сампрас, но во последните години воопшто не размислувам на оваа тема“, изјави Федерер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
