Во ист ден откако „Пежо“ објави дека нема повеќе да биде спонзор на тенисерот Новак Ѓоковиќ, најдобриот српски тенисер и долго време број 1 на АТП листата остана и без тренер. Денеска дојде до разделба со тренерот Маријан Вајда, кој ја прекинува долгогодишната соработка со Ѓоковиќ.
Вајда ќе го напушти стручниот штаб на Ноле, а останатиот дел ќе биде и понатаму со него: Горан Иванишевиќ како главен тренер, и физотерапевтите Милјан Амановиќ и Улисес Бадио, како и кондицискиот тренер Марко Паники.
Вајда беше со Новак цели 15 години. Во еден момент имаа прекин на соработката, кога Ѓоковиќ се опоравуваше од повредата на лакотот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА