Новак Ѓоковиќ успешно го стартуваше Мастерсот во Монте Карло, откако во второто коло славеше над младата италијанска надеж Јаник Синер со максимални 2-0, по сетови 6-4 и 6-2.
Финалистот од Мајами подобро го отвори натпреварот и прв стигна до брејк (2-1). Сепак следуваше серија на Србинот од четири гема, кои беа доволни за освојување на првиот сет со 6-4. Во вториот без поголеми проблеми славеше со 6-2.
Во осминафиналето првиот рекет во светот ќе игра со подобриот од мечот меѓу шампионот од Мајами, Хуберт Хуркач и Британецот, Даниел Еванс.
Во следната фаза пласман обезбедија и шампионот од последното издание во 2019, Фабио Фоњини, како и Григор Димитров, Андреј Рубљов, Давид Гофан…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
