Новак Ѓоковиќ се пласираше во второто коло од Ролан Гарос откако успеа да триумфира на вечерашниот дуел со Французинот Мпечи Перикар со 3-1 во сетови. Воедно, Ѓоковиќ успеа да урне нов рекорд станувајќи прв тенисер во историјата со 82 настапи на гранслем турнирите.
Во пресрет на ова издание Ѓоковиќ беше израмнет со Федерер и со Лопез со по 81 настап на најголемите турнири, но Новак со играњето во Париз сега е на врвот и на оваа листа.
Домашниот тенисер кој моментно се наоѓа на 80. место на АТП-листата го изненади фаворитот добивајќи го првиот сет со 5-7, а потоа и одлично парирајќи во вториот сет се до 5-5. Ѓоковиќ конечно стигна до брејк, го доби сетот со 7-5, а потоа издоминира и во третиот сет со 6-1.
Клучниот брејк беше направен кон средината на четвртиот сет, по што Новак рутински го приведе мечот до крај и конечните 6-4.
Негов противник во следната рунда ќе биде Французинот Валентин Ројер (73. место на АТП-листата), кој денеска славеше на својот прв меч со максимални 3-0 против Хуго Делиен од Боливија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
