Милан прокоцка предност од два гола по првото полувреме на дербито со Наполи, а згора на тоа „росонерите“ останаа и без двајца одбранбени фудбалери кои се повредија на дуелот во Неапол.
Полошо мина Пјер Калулу, кој се пожали на болка во мускулот и мораше да биде заменет уште во 18. минута. Деталните прегледи покажале дека проблемот е сериозен и 23-годишниот дефанзивец ќе мора да замине на операција, по што ќе следи пауза од околу четири месеци.
Покрај Калулу, повреда заработи и аргентинскиот дефанзивец Марко Пелегрино, кој има скршеница на коска во стопалото и ќе паузира најмалку до средината на месец декември.
Ако на ова се додаде дека веќе извесно време е повреден и Симон Кјаер, јасно е дека тренерот Пиоли ќе нема многу избор, само со Тиав и Томори како централни дефанзивци за следните неколку натпревари на „росонерите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
