Продолжуваат одличните настапи на машката шаховска репрезентација на Македонија на 43. Олимпијада во Батуми, Грузија.
Во 5. коло на Олимпијадата шахистите ја запишаа и четвртата победа, овој пат со 2,5-1,5 против репрезентацијата на Грција (25-то рангирана според рејтинг).
Триумфот за Македонија го обезбеди ВМ Кирил Георгиев со голема победа против ВМ Папајоаноу (2634), а ремизираа ВМ Владимир Георгиев, ИМ Филип Панчевски и ВМ Трајко Недев на останатите три табли.
Македонија, која е 43-то рангирана според рејтингот, по пет кола со 8 бода е на делба од 8. до 24. место (13 место според поединечни поени). На врвот табелата со максимални 10 бода се Азербејџан, Полска, Чешка и Украина.
Дамите, пак, по трите претходно порази сега очекувано ја совладаа Палестина со 3-1. Поединечни победи извојуваа Бејатовиќ, Стојковска и Катерина Петровска, а загуби единствено Николовска на третата табла.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
