Еурофарм Пелистер доведе уште еден голман во своите редови, откако битолскиот клуб реши од својата втора екипа во првиот тим да го прекомандува Филип Ивановски. Станува збор за 27-годишен чувар на мрежата кој е дел од битолската ракометна школа и ги има минато сите младински репрезентативни категории.
Некогашниот голман на Вардар јуниор пред четири години се врати во Битола и стави потпис на двегодишен договор со Еурофарм Работник. Следеше прогрес во тимот на Еурофарм Пелистер 2, а од понеделник Ивановски ќе ги започне подготовките со Еурофарм Пелистер.
Со имплементирањето на Ивановски кон вицешампиониот ростер, голманската тројка е комплетирана, битолчанецот ќе се придодаде кон новодојденците Секељи и Кизиќ.
За потсетување, битолските „фармацевти“ уште пред извесно време го прекомандуваа голманот Благојче Трајковски од првиот во вториот тим на Еурофарм Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
