Кристијано Роналдо е стрелец на најубавиот погодок во сезоната во Лигата на Шампионите, одлучија фудбалските фанови ширум Европа преку гласањето што го организираше УЕФА преку официјалната веб-страница.
Над 400.000 навивачи гласаа во оваа анкета, а најмногу гласови доби Кристијано Роналдо со својот втор погодок на осминафиналето против Лион. Португалецот со извонреден удар од далечина го матираше голманот на Лион, но и тоа се покажа недоволно за Јувентус да го елиминира францускиот тим во осминафиналето од ЛШ.
Второто место на оваа ранг-листа се наоѓа Марсел Сабицер од Лајпциг за голот на дуелот со Зенит, а третопласиран е Хуан Квадрадо од Јувентус со погодокот во групната фаза против Атлетико Мадрид.
Watch Ronaldo’s second goal against Lyon #UCLIsBack #JuveOL
70′ Juventus 2 – 1 Lyon
2-2 on Aggregate #UniversSports pic.twitter.com/ZkTkgZOapc
— Radio Univers 105.7FM (@univers1057fm) August 7, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
