Kапитенот на македонската фудбалска репрезентација Горан Пандев продолжува со донации да помага во овој тежок период кога Македонија се справува со пандемијата на Covid-19. Тој донирал средства за набавка на заштитна опрема за медицинскиот персонал во струмичката болница.
„Точно дека деновиве донираше и Горан Пандев. Неблагодарно е да споменувам износи, но би сакал да упатам благодарност како до него така и до останатите правни и физички лица. Парите ќе бидат искористени за набавка на скафандери, заштитни маски, ракавици според стандардите на СЗО за да бидат заштитени здравствените работници кои се на првата „борбена“ линија и најмногу се изложени на ризикот да бидат заразени. Тоа се лица кои треба да спасат нечиј човечки живот и затоа треба да бидат соодветно заштитени“, изјави директорот на струмичката болница Наќе Гогов.
Горан Пандев и колегите од фудбалската репрезентатиција донираа средства за Фондот за здравствено осигурување за помош на здравствените работници во справување со коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА