Најдобрата македонска тенисерка, Лина Ѓорческа се пласираше во четвртфиналето на ИТФ фјучерсот вреден 25.000 долари во Киасо, Швајцарија.
Ѓорческа во второто коло денеска убедливо славеше против 20-годишната домашна тенисерка Клара Грим победувајќи со 6-2,6-3. Во четвртфиналето ја очекува пресметка со Катинка Вон Дихман од Лихтенштајн.
Денеска македонската тенисерка, заедно со својата партнерка Александрина Најденова, како први носителки, ќе играат и во четвртфиналето во двојки против швајцарската двојка Ин-Албон/ Кенел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
