Во Италија се подготвува моќен кошаркарски проект – Рим се враќа на големата сцена?
Новиот кошаркарски проект во Рим, зад кој стои Дони Нелсон, полека добива јасни контури, а според италијанската „Газета дело Спорт“, формирањето на амбициозен клуб што би можел да ја промени европската кошаркарска мапа е се поблиску.
Американска група поврзана со Нелсон наводно веќе ги презела спортските права на Ваноли Кремона, а сè што останува е да се формализира конечниот потпис, што се смета за чиста формалност. Во исто време, веќе се работи на составување тим што би го вратил Рим на врвот од европската кошарка.
Првото големо име на проектот треба да биде Саша Ѓорѓевиќ! Поранешниот тренер на Виртус Болоња и Фенербахче беше назначен за човек што ќе го води новиот тим од италијанската престолнина.
Проектот е замислен многу амбициозно и со визија што оди подалеку од рамките на домашното првенство.
Според истите информации, изборот на Ѓорѓевиќ го поддржал и Лука Дончиќ, кој се споменува како еден од клучните партнери во компанијата зад идниот клуб.
Крајната цел – НБА Европа?
Суштината на влегувањето на Нелсон во проектот наводно лежи во долгорочниот план поврзан со потенцијалното формирање на НБА Европа, идеја што циркулира во кошаркарските кругови со години.
Во тоа сценарио, Рим би имал огромна стратешка вредност – голем европски град со богата историја, меѓународен имиџ и пазарен потенцијал повторно да стане центар на врвната кошарка.
Заедно со Нелсон, во проектот ќе учествува и Римантас Каукенас, добро познато име во европската кошарка, кој треба да помогне во креирањето на составот.
Во клупската структура се очекува и доаѓањето на Салваторе Трајноти, сегашниот генерален менаџер на италијанската репрезентација, додека Џиџи Датоме нема да биде дел од проектот, бидејќи ги одбил понудите за да остане фокусиран на своите должности во италијанската лига.
Важна улога ќе игра и Роберто Карменати, долгогодишен скаут на Далас Маверикс и уште една директна врска со НБА-средината на Дончиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
